இதய வீணை தூங்கும்போது

இதய வீணை தூங்கும்போது பாட முடியுமா ?

இரண்டு கண்கள் இரண்டு காட்சி காண முடியுமா ?(இதய)

உதடு சிரிக்கும் நேரம் உள்ளம் சிரிக்குமா ?

உருவம் போடும் வேஷம் உண்மை ஆகுமா ?

விளக்கைக் குடத்தில் வைத்தால்

வெளிச்சம் தோன்றுமா ?

வீட்டுக்குயிலைக் கூட்டில் வைத்தால்

பாட்டு பாடுமா.. ?

பாட்டு பாடுமா... ?(இதய)

மனதை வைத்த இறைவன்

அதில் நினைவை வைத்தானே - சில

மனிதர்களை அறிந்து கொள்ளும்

அறிவை வைத்தானே

அறிவை வைத்த இறைவன் - மேனி

அழகை வைத்தானே

அழகு கண்ட மனிதன் பெண்ணை

அடிமை செய்தானே..

அடிமை செய்தானே...(இதய)

உருகி விட்ட மெழுகினிலே ஒளியேது ?

உடைந்து விட்ட சிலையினிலே அழகேது ?

பழுது பட்ட கோவிலிலே தெய்வமேது ?

பனி படர்ந்த பாதையிலே பயணமேது ?(இதய)

படம் : இருவர் உள்ளம் - வருடம் 1963
குரல் : திருமதி பி. சுசீலா
பாடல் : கவியரசர்
இசை : திரு.கே.வி.மஹாதேவன்
நடிகை : திருமதி. சரோஜாதேவி