Album (13) audio (20) karaoke (1) nolyrics (8) novideo (181) poem (39) video (264)

வியாழன், 4 பிப்ரவரி, 2010

அது முடியாது

கோட்டை நாற்காலி இன்றுண்டு - நாளை

கொண்டுபோய் விடுவான் திராவிடக்காளை.

கோட்டை நாற்காலி...


கேட்டை விளைத்துத் திராவிடர் கொள்கையைக்

கிள்ள நினைப்பது மடமையாம் செய்கை.

கோட்டை நாற்காலி...


காட்டை அழிப்பது கூடும் - அலை

கடலையும் தூர்ப்பது கூடும்

மேட்டை அகழ்வதும் கூடும் - விரி

விண்ணை அளப்பதும் கூடும்

ஏட்டையும் நூலையும் தடுப்பது கூடும் - உரிமை

எண்ணத்தை மாற்றுதல் எப்படிக் கூடும்?

கோட்டை நாற்காலி...


அடக்குமுறை செய்திடல் முடியும் - கொள்கை

அழிக்குமுறை எவ்வாறு முடியும்?

ஒடுக்குசிறை காட்டுதல் முடியும் - உணர்

வொடுக்குதல் எவ்வாறு முடியும்?

திடுக்கிடச் செய்திடும் உன்னை - இத்

திராவிடர் எழுச்சியை மாற்றவா முடியும்?

கோட்டை நாற்காலி...

கருத்துகள் இல்லை:

கருத்துரையிடுக

இன்னும் உங்களுக்கு பிடித்த வரிகள் ஏதேனும் இருப்பின் இங்கே வெளியிடுங்கள்..! இல்லையேல் எதாவது எழுதிவிட்டு போங்கள்..!

Related Posts Plugin for WordPress, Blogger...